O demo Marcelín

Aínda non empezamos o novo desafío, O taboleiro fantástico, e xa temos unha historia construída a partir das súas ideas. É un traballo voluntario e familiar. Por iso, Ismaíl está moi sorprendido, marabillosamente sorprendido. Porque o certo é que na aula xa falamos desa tarefa, pero estamos nunha fase moi inicial… ¡Miguel, noraboa!

Érase unha vez un demo chamado Marcelín. Era un pouco despistado, pero gardaba un tesouro agochado nunha cova abandonada. Esa cova tiña trampas, lanzas, pedras de 100.000 quilos, pozas cheas de sangue e teas de araña.

Un neno entrou na cova e pasou todas as trampas sen caer nelas. E atopou ao demo, que estaba xunto ao tesouro. Entón o neno díxolle:

-Poñámonos cada un nunha beira dunha balanza e o que máis pese quedarase co tesouro…

Cando o demo estivo no seu sitio, o neno subiuse a unha pedra grande. Cun forte brinco saltou no seu lado da balanza, e coa forza do salto enviou ao demo ata o mesmo Xapón. Así quedouse co tesouro e foi rico.

[Miguel García Barreiro]